韓峰料理 (已結業)

嚟呢头揾食越嚟越有趣，总有一间小店喺附近。呢度系心水名单上的新成员，每款午餐跟两个前菜。青豆睇落普通，估唔到系麻香味；泡菜够辣够爽；茄子的蒜香点到即止，唔怕有口气；番薯味道浓香，煮得够腍。各有特色，食得畅快。睇住海鲜泡菜豆腐煲滚动上场，加埋蚬仔一只二只冒出水面，好似浸温泉咁，开心到呢……入面主要系大量滑豆腐粒，另有菜同少少粉丝，已去壳虾同鱿鱼粒的份量就再少啲。汤头叫咗加辣，好彩唔系死辣𠮶只，味精冇过量，配白饭食一流。