紅磡雞蛋仔

营业中

休息中

去过红磡咁多次，一直都冇发现到呢间老字号，路过俾我见到，个招牌咁旧，一定有啲料到😼老板好好笑容，见我听紧电话，叫我慢慢谂唔使急。佢问我系咪第一次嚟，有听过但未食过，我话系啊，见佢真系劲nice，同街坊好熟有倾有讲。所有鸡蛋仔，班戟即叫即整，热辣辣㗎！🍴芒果班戟 $19芒果超多，老板好大方，话要俾多芒果先好食！班戟上面搽咗啲酸忌廉，入口班戟皮厚实，芒果超甜，老板话系每日新鲜切，加埋酸酸哋嘅忌廉，好开胃，好好食😋CP值高🍴朱古力鸡蛋仔 $19外脆内软，超浓朱古力味🍫，少少似蛋糕口感，但入面系湿润嘅，唔会好干身，好好食😋🍴原味鸡蛋仔 $14外脆内软，有蛋香，食到蛋嘅原味，都系少少似蛋糕口感，但入面系湿润嘅，唔会好干身，好好食😋推荐指数: 10/10老板笑容好好，态度亲切有礼，会同你倾偈，好有人情味，我话拎走食，佢话趁热食好食啊，夹一粒俾我食，好热情。觉得佢做生意唔系净为钱，系对自己整嘅鸡蛋仔有热诚，当啲客系街坊朋友，十几蚊食个鸡蛋仔，除咗系足料抵食好食，系食份人情味。