那杯早餐紅茶 (已搬遷) 新店位置

红磡新开左间饮品店，今日黎到红磡就决定去试下。不过间舖得一个店员，我去到嘅时候店员就冲紧前一个客人嘅嘢饮，但系只系一杯佢都冲咗好耐，所以我都等咗好耐先可以落单同埋有嘢饮。依间饮品店既饮品有别于平时果啲，啲茶底比较特别，又有得自选配搭。但系有时自选都唔知拣咩好，今次就试左店舖推荐既晨光白兰奶茶冻。原价$30，唔知系唔系因为新开张，最后$20就买到。一饮落去就觉得奶味比茶味重，但系又唔会盖过咗啲茶味，饮落有淡淡的茶香味，入边仲有啲啫喱，不过啲啫喱比较大旧，有少少难吸，有时一饮就成旧吸咗入口，如果啫喱可以细旧返少少会好啲。