Omega 3 (已結業)

位于红磡嘅日式小店，虽然地理位置一般，但每次经过都坐满人。今天终于一试，星期日晚既八点几，都要等位。好彩一早订咗位。今天一心想来食海胆，一早叫姨姨留咗澳洲海胆，$240，堂食嘅话，佢会俾埋紫菜你配撘。另外喺佢出面个冻柜，留起左一盒三文鱼刺身。三文鱼刺身上碟是非常新鲜，又大份。叫咗四粒带子刺身，$12一粒，果然物超所值，超级大粒同鲜甜。推介。另外仲叫咗鸡泡鱼干同埋饺子鸡翼。饺子鸡翼又系有惊喜，10几元一只，但咬入去好似食紧饺子咁，好得意。性价比高。总括而言，虽然餐厅环境非常挤迫，行人通道亦好窄，但依然咁多人食果然有原因。大家如果唔怕迫嘅话都建议一试。