HOW Food Factory (已結業)

平时食开楼下2楼𠮶间西餐，但原来佢哋星期日唔开，所以就走咗上嚟3楼开餐。第一次上嚟，发现呢度地方好大，有好多精品卖，亦可以订做家私，一旁就做cafe，开放式设计，楼底又高，空间感十足，而且文青气息浓厚。餐汤只系暖，唔热。🚀珍宝牛角包•牛油果酱配香果烟三文鱼 $118卖相不错，颜色吸引引，睇落足料大个。但味道一般，单以食物味道嚟讲，就绝对唔值$118嘅价钱。牛角包软腍，过气面包嘅质感，入面嘅薯饼香脆好食，但败笔在于烟三文鱼，烟三文鱼味道咸”腥”，而唔系应有嘅咸”鲜”😨朋友叫嘅沙律，沙律菜望落都几新鲜。饮品造型可爱，影相同样一流，不过咖啡味一般，唔够香浓。总括嚟讲，呢度嘅环境同食物卖相都好好，但食物味道，服务态度都强差人意，枱与枱之间嘅位置好近，近到甚至听唔到对面朋友讲嘢，声音完全比隔离枱盖过，而且仲系有用餐限时，真心唔认为值呢个价。