影片
更多
2021-12-12
5286 浏览
系深水埗、荃湾、红磡有几间分店嘅素年一直都不乏捧场客，凭住创新嘅素食菜式🥬吸引好多人就算排住队都要去试下。今次我都去咗深水埗其中一间分店，未够夜晚六点已经好爆场。呢度嘅素食选择都唔少，小食、主菜、甜品、饮品全部都系素，但份量同食材配搭就令到人觉得好似食咗肉咁饱足，扭转咗唔少人对素食=牺牲味道／唔够饱肚嘅印象。为咗照顾唔同素食人士需要，呢度部份菜式仲可以走五辛添👍🏻黑松露蛋黄酱番薯条份量极大嘅「小食」，食食下已经好饱肚。番薯条好香脆香甜香口，配埋creamy好香黑松露味嘅蛋黄酱，令人忍唔住系咁啪🤪🤪芥籽香蒜烤大啡菇大啡菇上面酿咗菇粒、洋葱、香蒜同芥末籽混合而成嘅馅料，仲有合桃同羽衣甘蓝做配菜。大啡菇几juicy，馅料好重蒜同芥末嘅辣味，比较适合重口味人士，我自己就麻麻地😂腐乳意大利粉就咁闻都闻到好香腐乳味，几惹味咁😗😗配料有茄子、豆腐干同火箭菜，令到个意粉食落丰富啲有饱足感。酱汁几creamy，不过略嫌意粉煮得偏腍。冬荫意大利饭香辣惹味嘅意大利饭，加上番茄仔同豆，真系几有冬荫功风味，不过啲饭都系偏腍，如果烟靭啲会好啲。奇异果羽衣甘蓝富士苹果燕麦奶非常健康又有营养嘅smoothie，饮落草
黑松露蛋黄酱番薯条
份量极大嘅「小食」，食食下已经好饱肚。番薯条好香脆香甜香口，配埋creamy好香黑松露味嘅蛋黄酱，令人忍唔住系咁啪🤪🤪
芥籽香蒜烤大啡菇
大啡菇上面酿咗菇粒、洋葱、香蒜同芥末籽混合而成嘅馅料，仲有合桃同羽衣甘蓝做配菜。大啡菇几juicy，馅料好重蒜同芥末嘅辣味，比较适合重口味人士，我自己就麻麻地😂
腐乳意大利粉
就咁闻都闻到好香腐乳味，几惹味咁😗😗配料有茄子、豆腐干同火箭菜，令到个意粉食落丰富啲有饱足感。酱汁几creamy，不过略嫌意粉煮得偏腍。
冬荫意大利饭
香辣惹味嘅意大利饭，加上番茄仔同豆，真系几有冬荫功风味，不过啲饭都系偏腍，如果烟靭啲会好啲。
奇异果羽衣甘蓝富士苹果燕麦奶
非常健康又有营养嘅smoothie，饮落草青味唔算好劲，有啲奇异果🥝同燕麦味，有少许苦味但都可以接受，饮完即刻好似保存咗好多纤维咁🤣🤣
荔枝姜味发酵茶
Komucha系一种发酵饮品，会产生酒精、醋酸同其他营养素，所以饮落有啲似略带酒味嘅果醋，会有啲苦味，连包装上都写明含有约0.5%酒精🥂😛😛虽然系好健康，但味道就唔系个个接受到啦😂不过试下都无妨。
人均消费：$140
推介指数（10分为满分）：7.5分
张贴
