素一 (已結業)

年龄大左开始注重健康，除左由做运动入手，食物方面都要留意呀。平时我多肉少菜，又钟意食甜品同饮冻饮。今日一于尝试下素食自助餐🥬门面俾人感觉好green💚室内装修简约，光猛开扬。餐厅最入面放满了不同食物，沙律，冷盘，炸物，小菜，粉面，汤，健康饮品，素寿司同甜品都有👍选择都几多，我地每款都试少少。自助食物旁边贴有提示，唔同颜色代表含有 葱蒜，蛋类，奶类的食物。方便唔食某种食物的客人选择。一坐低已经即刻冲左去夹食物，夹夹下听到其他客人倾计，"点解枱面多左汤既，你叫架？" ，到我返埋位都见到有，原来系餐厅送的素咕噜肉同炖汤👍 估唔到素咕噜肉都整得几有口感， 外皮有少少脆而入面少少弹牙似肉嘅质地。如果加埋菠萝就似到十足十啦😏炖汤几有火喉，侍应姨姨话煲左几个钟的，啱晒我呢d冇住家汤既人饮。每样都试少少沙律吧 炒河粉， 姜醋蛋， 南瓜饼，炸紫薯丸， 蜜汁叉烧，豉汁南瓜炒杂菌， 炒四季豆茄子。其实想食姜醋蛋好耐， 不过平时出面食嘅话就要买一大壶，自己一个好难食得晒， 呢度有得一只只咁夹就啱晒我啦， 原只蛋浸系姜醋入面好耐，吸收晒阵味好香😋 素叉烧口感以假乱真，味道不错👍云耳，素腐皮，羊肉串，薄饼，素饺子