Fish & Chick (新海旁街)

营业中

休息中

端午节假期，好多人等位，下次一定要记住book左先！入面啲位好逼，每张台距离大约十五cm，坐得唔太舒服。冷气温度还可以。厕所都干净。职员几尽责，有帮人量体温同奉上酒精搓手液。我叫左vegan 嘅 fish and chips, 食落软硬度有啲似鱼味嘅麦乐鸡，感觉唔差。有茄汁同埋 sour cream, sour cream 入面仲有一粒粒嘅 pickle 添！著条份量足。食晒之后已经好饱。下次想留肚食下甜品。我杯冻薄荷朱古力就等左劲耐！个vegan fish and chips 来左都未有我杯野饮！我望住水吧出左好多杯冻饮（主要系梳打），仲要洗埋一大堆杯之后先冲到我杯野。可能当时十二点﹑一点几系 peak hour 啦，所以先要搞咁耐。我友人杯鲜榨苹果汁就劲快来左。等野食果阵望下个烧鸡炉，好吸晴。墙上有图画介绍唔同种类嘅鱼。差不多食完时，我地个餐具筒仲有一张纸巾，点知个店员无啦啦收左佢，好彩我友人截住佢姐。值得一赞嘅系，呢间餐厅都注重环保。除非客人要求，否则佢地唔会提供饮筒比客人的。