莆田 (已結業)

放假做咩好！梗系同屋企人出去食餐好喇！我地今日就去左食新派福建菜未入去就系门口见到超大嘅宣传单张，原来最近系紫菜最好收成既季节，所以餐厅都因而推出一系列紫菜菜式！于是我哋入座后就叫咗几款~先嚟就系家乡焖紫菜，啱啱见到呢个菜嘅时候，觉得黑蒙蒙唔系好吸引，但系细味段就发觉好好味！锅入面除咗有满满既新鲜紫菜外，仲有少少肉碎一齐焖，焖出嚟嘅汁特别好味，唔单止有肉汁味，仲食到紫菜嘅鲜味。紧接嘅有紫菜煎，系将紫菜同鸡蛋一齐煎，搭配好新颖，唔油腻之余，仲有好香嘅鸡蛋同浓浓嘅紫菜味吖！！而呢个虾苗伴头水紫菜亦很好味道！凉凉地既口感又带点微酸，极开胃，同时紫菜入边仲有好多细虾苗，口感爽口又鲜甜，确是食得出厨师既用心我就觉得呢款九转小肠系最好食既！口感爽弹，而且厨师以一层包一层的方式包出层层相扣的猪大肠菜式，实属是心机手工菜式！不是随处可以食到，而且烹调的汤汁更是极之美味，食得我食完一粒再想食一粒！！另外我地仲叫咗百秒黄花鱼，来到时热辣辣，鱼肉又极嫩滑，好食得我地都不停食呀食呀~呢餐好食之外，菜式又无咩味精，完全食出食材的鲜味，难得难得