影片
更多
2017-06-06
2927 浏览
人少食中餐总有著难嗌𩠌嘅问题，今次嚟到天一阁，menu系逐位计，啱哂两个人食😬一早订枱已经拣好呢个menu，虽然明知佢个花雕蟹系名物，但始终出街食饭都唔系咁钟意拆蟹呢个步骤。$598加一，11样野，好多🙈首先嚟个炸金菇，好有天妇罗feel，味道就咁咸咸地，佐酒应该唔错。日本清酒浸蚬，煮完酒精都挥发得七七八八，冇乜酒味，清清地唔抢反而食到本身蚬嘅鲜味（可惜我唔系好钟意食蚬🙈）黑毛猪叉烧，一上碟我即刻谂洗唔洗两排咁多😂肥瘦分布好均匀，咬落冇一般烧腊店𠮶啲咁实，同埋颜色冇咁吸引，味道都系蜜汁叉烧。特别推介侧边朵玫瑰花，系餣咗嘅白萝卜嚟，酸酸味味超开胃。花胶螺头炖鸡，基本上成碗都系料，个炖汤完全系精华嚟，但螺头又唔见㖞，好多瘦肉就真。花胶都有两块架，炖到腍哂，如果落多啲花胶可以令个汤更rich就仲正🙈不过呢个价钱唔会要求咁多。一虾两味，虾身啖啖肉超弹牙，配左个蟹粉&咸蛋黄嘅汁，好香。虾头系椒盐制法，连虾头都好有肉，少少辣够惹味👍🏻葵花斩肉，用鸡汤炖呢旧猪肉丸炖六个钟，入口系即刻化开，未试过食肉系呢个texture，手工菜果然系手工菜。茶熏雏鸽，用龙井茶叶慢慢熏熟，颜色当然冇一般烧乳鸽咁靓，但一
一早订枱已经拣好呢个menu，虽然明知佢个花雕蟹系名物，但始终出街食饭都唔系咁钟意拆蟹呢个步骤。$598加一，11样野，好多🙈
首先嚟个炸金菇，好有天妇罗feel，味道就咁咸咸地，佐酒应该唔错。
日本清酒浸蚬，煮完酒精都挥发得七七八八，冇乜酒味，清清地唔抢反而食到本身蚬嘅鲜味（可惜我唔系好钟意食蚬🙈）
黑毛猪叉烧，一上碟我即刻谂洗唔洗两排咁多😂肥瘦分布好均匀，咬落冇一般烧腊店𠮶啲咁实，同埋颜色冇咁吸引，味道都系蜜汁叉烧。特别推介侧边朵玫瑰花，系餣咗嘅白萝卜嚟，酸酸味味超开胃。
花胶螺头炖鸡，基本上成碗都系料，个炖汤完全系精华嚟，但螺头又唔见㖞，好多瘦肉就真。花胶都有两块架，炖到腍哂，如果落多啲花胶可以令个汤更rich就仲正🙈不过呢个价钱唔会要求咁多。
一虾两味，虾身啖啖肉超弹牙，配左个蟹粉&咸蛋黄嘅汁，好香。虾头系椒盐制法，连虾头都好有肉，少少辣够惹味👍🏻
葵花斩肉，用鸡汤炖呢旧猪肉丸炖六个钟，入口系即刻化开，未试过食肉系呢个texture，手工菜果然系手工菜。
茶熏雏鸽，用龙井茶叶慢慢熏熟，颜色当然冇一般烧乳鸽咁靓，但一打个蒸笼𠮶下，茶香四溢😍不过唔好意思，我觉得都系烧嘅好食啲😆侧边𠮶啲酸姜都唔可以错过，用浙江醋同苹果醋浸，子姜只要中间最嫩嘅部分，所以咬落爽口无渣😋
姜汁炒芥兰，睇得出已经拣左啲比较嫩嘅菜，仲要斩哂啲叶，劲讲究！
虾子虾油葱油捞面，真系饱到食唔落，同埋真系油左少少。
枣茸糕同花雕饮，两样都唔啱我口味～
问侍应攞左本menu嚟睇，原来逐样嗌价钱好襟计😅净系个虾都两百，葵花斩肉都差唔多一百，成个set加埋一六百几，每一味都花好多时间心机整，其实绝对抵食👍🏻
侍应全晚都不断帮我地斟茶，亦都有好详细咁介绍啲𩠌菜，好有耐性，好好服务。
唔系每样野都啱食，但overall嚟讲系一个非常好嘅dining experience👍🏻
张贴
