666泰船麵 (德輔道西) (已結業)

呢间餐厅有样好处就系有得拣细份同埋正常size，想试多啲野嘅朋友就可以带多几款全部带细份，个价钱都唔系好贵。因为想饱肚啲都嗌左两个海南鸡饭，嗌左个猪肉船面转河粉同埋香兰叶包鸡。我觉得个海南鸡饭系几好食嘅不过就冇去到觉得啲鸡好滑嘅感觉，但系始终细分讲紧系$30一碗，呢个价钱就冇乜挑剔嘅地方。咁个船面我就觉得系超级正，河粉系比较粗𠮶款，系我钟意食𠮶只，不过真系略嫌太细份，啲河粉好少，食几啖就冇，个汤底都几正宗，好浓郁。香兰叶包鸡，呢个唔错，个鸡都几滑同埋香兰叶味好重，几值得一试。呢间小店几有特色，价钱都唔会话太贵，但就唔系坐得好舒服，系大家搭枱坐圆枱，不过我觉得呢个价钱来讲几值得黎试吓。