影片
更多
2021-11-13
1417 浏览
踏入初冬，呢几日开始有寒意，又系食煲仔饭嘅时候啦！个人非常喜欢食煲仔饭，皆因冻冰冰时，每一口暖笠笠嘅饭真系温暖到身心☀️。「尝囍」喺煲仔饭界系人气王之一，连续两年获得米芝莲推介，主打炭烤煲仔饭，据闻长期满座要排队，所以今次第一次试，已经做定哂功课，6点前到咗入座，入座后铺头员工都有讲：「6点后就无位㗎啦！」果然，6点松啲就全场满座，门口仲有人开始等紧，非常旺。而铺头装修同一般旧式茶楼差唔多，灯光非常光猛，枱与枱之间距离都相当足够。餐牌选择好多，分别叫咗三个煲仔饭同三个小菜，煲仔饭方面等咗大约30分钟至45分钟左右，其实三个煲仔饭系喺配料上有所唔同，最紧要嘅「饭」，水准系差唔多，同样系粒粒分明，而且无过硬嘅情况出现，煲底饭焦亦系非常完美，可以成块起，带金黄之余亦好脆口，豉油亦唔会过咸偏甜。🔹腊味排骨饭($𝟗𝟎)：个人而言，觉得有腊味嘅煲仔饭相对其他配料嘅煲仔饭一定系更美味，因为够哂香，呢度都唔例外，腊肠味道浓郁，软硬适中，饭粒会带有腊肠嘅油香味，更香口更惹味，连埋无敌饭焦，必叫👍🏻🔹咸鲜鱼(马友)肉饼饭($𝟗𝟔)：虽然肉饼蒸得啱啱好熟度，唔会过嚡，但肉味唔重之余，马友味亦比较淡，成煲饭比较
「尝囍」喺煲仔饭界系人气王之一，连续两年获得米芝莲推介，主打炭烤煲仔饭，据闻长期满座要排队，所以今次第一次试，已经做定哂功课，6点前到咗入座，入座后铺头员工都有讲：「6点后就无位㗎啦！」果然，6点松啲就全场满座，门口仲有人开始等紧，非常旺。而铺头装修同一般旧式茶楼差唔多，灯光非常光猛，枱与枱之间距离都相当足够。
餐牌选择好多，分别叫咗三个煲仔饭同三个小菜，煲仔饭方面等咗大约30分钟至45分钟左右，其实三个煲仔饭系喺配料上有所唔同，最紧要嘅「饭」，水准系差唔多，同样系粒粒分明，而且无过硬嘅情况出现，煲底饭焦亦系非常完美，可以成块起，带金黄之余亦好脆口，豉油亦唔会过咸偏甜。
🔹腊味排骨饭($𝟗𝟎)：
个人而言，觉得有腊味嘅煲仔饭相对其他配料嘅煲仔饭一定系更美味，因为够哂香，呢度都唔例外，腊肠味道浓郁，软硬适中，饭粒会带有腊肠嘅油香味，更香口更惹味，连埋无敌饭焦，必叫👍🏻
腊味排骨饭
85 浏览
2 赞好
0 留言
🔹咸鲜鱼(马友)肉饼饭($𝟗𝟔)：
虽然肉饼蒸得啱啱好熟度，唔会过嚡，但肉味唔重之余，马友味亦比较淡，成煲饭比较淡而无味，而中间位置亦比较湿润。
咸鲜鱼(马友)肉饼饭
70 浏览
2 赞好
0 留言
🔹白鳝滑鸡饭($𝟗𝟎)：
系呢间铺头嘅人气煲仔饭之一，个人觉得啲鸡够嫩滑，鸡味几浓，但白鳝唔够新鲜，有啲「梅」，厚肉但系唔弹牙，而且无鳝味，系有啲失望。
白鳝滑鸡饭
60 浏览
1 赞好
0 留言
🔹椒盐九肚鱼($𝟖𝟓)：
相当出色，炸粉好薄，脆得嚟蒜香味重，里面嘅鱼肉好滑溜，大大旧之余唔会一夹就断，食到停唔到口。
椒盐九肚鱼
77 浏览
1 赞好
0 留言
🔹黄金酥炸生蚝($𝟏𝟕𝟖)：
有啲辣椒同埋炸蒜做调味，外皮好酥脆，里面嘅蚝肉好湿润，一咬落去就有汁水，唔会炸到好干身，亦好味。
黄金酥炸生蚝
111 浏览
2 赞好
0 留言
黄金酥炸生蚝
59 浏览
1 赞好
0 留言
🔹梅菜扣肉煲($𝟖𝟖)：
梅菜偏咸，扣肉嘅肥肉好大旧，而且成个煲都好多汁，送饭一流，就咁食就会非常漏。
梅菜扣肉煲
57 浏览
1 赞好
0 留言
当日离开时大约都系7点20分左右，门口已经满布人龙，所以如果要嚟建议6点前嚟到入座或有心理准备要等一段时间，同埋要留意返佢嘅煲仔饭系晚上6点后先开始供应。呢度嘅腊味煲仔饭绝对系好高质，其他配料嘅就可以更好，而且几款小菜都几好食，所以会有下次。
张贴
