東喜茶 (已結業)

今日同朋友喺铜锣湾食完饭之后路过东喜茶，见佢做紧全日八五折，于是就入去试吓。因为我系第一次佢一啲比较转嘅台式饮品店饮一啲比较有特色嘅台式饮品，所以当我见到有好多好多选择，仲有埋季节限定之后，我完全唔识拣。于是我就问吓个店员唔同嘅饮品会有咩嘢唔同嘅特色，个店员好好礼貌，亦都好有耐性咁解答我哋嘅疑问。最后因为我自己觉得水果茶加咗芝士会有啲奇怪嘅关系，我拣咗一个比较普通嘅芝士奶茶，而我朋友就拣咗季节限定嘅芝士哈哈——即系芝士配哈密瓜。我自己就觉得我个芝士奶茶嘅芝士味好浓，亦都同奶茶嘅味好夹，而且饮完成杯都唔觉得好济。而我朋友嘅芝士哈哈亦都有好浓嘅芝士味，我自己都真系觉得芝士同哈密瓜唔系好夹嘅，但我朋友就觉得唔错。