Made in HK Restaurant (已結業)

以前喺观塘返工嘅时候成日想食呢间Made in Hong Kong，最近佢终于喺旺角朗豪坊开左分店啦！半开放式嘅座位好宽阔，唔会有压迫感，内里亦都设有雅座菜式选择主要以港式饭类同西式据扒为主，晚餐价格一百多元起，定价合理。当晚我地点左一个Set Dinner同一个焗饭罗宋汤配牛油餐包晚市套餐可选餐汤或沙律，我就拣左罗宋汤！杂菜配料丰富，蕃茄味浓郁，非常开胃！牛油餐包暖暖的，好松软，好好味啊！龙虾配西冷扒铁板龙虾涂上芝士酱后焗香，芝味十足，龙虾都几厚肉，仲好多膏添，够新鲜！西冷扒牛肉味香浓，虽然点左七成熟，但都略有点硬焗薯可以改为薯条，金黄香脆的，薯味都几浓郁吉列猪扒青苹果焗饭呢个焗猪扒饭真系不得了！厚切吉列猪扒肉质松软，猪肉味浓！番茄酱酸酸甜甜的好开胃，仲有三色椒所以好健康！饭面上加入青苹果去焗真系第一次试，感觉又几清新架㖞，令到个饭多左份香甜，好味道！热咖啡港式风味热咖啡，好饮