影片
更多
2015-04-30
8957 浏览
小弟向来少食自助餐，放题之类，皆因小弟可以吃得多，但唔可以一次过。啲人话生日要食到爆肚，要食烧肉, 又要有质素，又唔想逐碟叫，惊埋单要天文数字，千山万水终于响杂志揾到呢间任食日式烧肉店。炭烧笑宴主打冲绳料理，晚市有放题，客人可以拣日式烧肉或火㶽，任食A4/A5和牛，冲绳黑豚肉，松叶蟹，野菜等。$488加一任食，净食和牛都抵番条数，爆肚都抵啦。一坐低，侍应就端上前菜，和牛沙律，刺身拼盘同半只松叶蟹。心谂，驶唔驶咁赶，啱啱坐低咋㖞，嘢饮都未拣。不过谂深一层，早上菜都啱嘅，限时两粒钟，时间紧迫，快啲食完前段，快啲有得烧。刺身同沙律嘅质素都唔错，刺身厚切新鲜，和牛沙律味道清爽。松叶蟹味道鲜甜，蟹肉丰满，唔腥，份量毫不吝啬。我一气过拆哂啲肉，加少许醋，钟意食蟹嘅你真系要勿失良机。想浓味啲，将啲蟹脚放上炉烧一烧，味道更香浓。温馨提示一:如果食哂啲前菜沙律刺身松叶蟹先至烧肉，一来会唔够时间慢慢烧，二来食太多嘢，战斗力下降，番唔到本。记得食到咁上紧就叫侍应上炉烧肉，千祈唔好食哂前段先叫，免得浪费时间。(拆蟹认真需时)温馨提示二:水系免费嘅，不过要饮果汁汽水绿茶就要加70蚊任饮，要酒精饮品任饮就要150
炭烧笑宴主打冲绳料理，晚市有放题，客人可以拣日式烧肉或火㶽，任食A4/A5和牛，冲绳黑豚肉，松叶蟹，野菜等。$488加一任食，净食和牛都抵番条数，爆肚都抵啦。
和牛沙律
281 浏览
0 赞好
0 留言
刺身拼盘
63 浏览
0 赞好
0 留言
松叶蟹
262 浏览
0 赞好
0 留言
刺身同沙律嘅质素都唔错，刺身厚切新鲜，和牛沙律味道清爽。
松叶蟹味道鲜甜，蟹肉丰满，唔腥，份量毫不吝啬。我一气过拆哂啲肉，加少许醋，钟意食蟹嘅你真系要勿失良机。想浓味啲，将啲蟹脚放上炉烧一烧，味道更香浓。
温馨提示一:
如果食哂啲前菜沙律刺身松叶蟹先至烧肉，一来会唔够时间慢慢烧，二来食太多嘢，战斗力下降，番唔到本。记得食到咁上紧就叫侍应上炉烧肉，千祈唔好食哂前段先叫，免得浪费时间。(拆蟹认真需时)
温馨提示二:水系免费嘅，不过要饮果汁汽水绿茶就要加70蚊任饮，要酒精饮品任饮就要150蚊。我谂过度过，饮得多嘢，食唔到嘢咪栈蚀卓。100蚊就有一杯700ml嘅Suntory啤酒，两份饮都ok，再唔系叫多杯都系两旧水，点都抵过每人150蚊任队。
冲绳黑豚
109 浏览
1 赞好
0 留言
A4 和牛
161 浏览
0 赞好
0 留言
和牛!! 呢碟太肥啦
117 浏览
0 赞好
0 留言
呢碟好好多
143 浏览
0 赞好
0 留言
一碟牛肉大概八片，厨师预先切定，每碟肥瘦有异，所以如果慊某碟太肥，不妨向店员反映，佢哋会尽量换过一碟俾你。
野菜
63 浏览
0 赞好
0 留言
温馨提示四:食到后尾开始饱，但系又仲想食青椒仔，唯有叫侍应净系俾碟青椒仔，其他菜唔要，佢哋都好乐意效劳。
最后我哋两口子食咗四碟和牛，三碟野菜，两碟黑豚，再夹埋前段嘅两碟蟹，两碟刺身同沙律加杯大啤，两人共1200蚊，算系番本。可惜小弟坚唔得短时间内猛食，否则一定同佢死过，各位肉食系师兄师姐必定唔可以错过。
最后提示:
可能你会以为自己好拆得，一碟八片嘅和牛算系咩，十碟八碟闲闲哋。事实系，咁肥嘅牛，食得多都真系会腻。
题外话/补充资料：
唔明点解有人话个炉好黐, 好容易㶶. 我哋食咗两粒钟都冇问题, 冇换过网. 都冇食镬捞.
(以上食记乃用户个人意见 , 并不代表OpenRice之观点。)
张贴
