稻乙日本料理

营业中

休息中

同老婆食生日饭梗要食好啲啦😊😊😊呢间食店门面一般。门口好似扇防烟门咁。不过店内装修都正常。今次串烧我哋点咗鸡肝(口感一般，可能因为切得太大旧关系)、鸡软骨(正常)、牛舌(有啲咸，可能落盐重手咗，有啲韧、可能因为厚身咗啲)、䓤鸡肉(正常)。我哋都点咗野菜天妇罗，水准之上，一啲都唔油，粉底都唔厚yummy!。特选刺身中嘅Tolo、海胆、油甘鱼、虾都好新鲜，我哋连海藻都食埋😂😂最后来个鱼汤乌冬。个奶白色鱼汤配上幼身乌冬同翠绿葱花真系好吸睛，味道同卖相一样咁好，乌冬好弹牙，唔太硬同lum,个鱼汤都好好味，饮晒！最后想讲侍应服务都好好，好贴心。老婆甩咗粒钮漏咗喺餐厅都会打返俾我哋。Thank you!