阿爺燒鵝餐室

营业中

休息中

上次太夜过来冇得食烧鹅，今次就醒啦，六点几就过嚟买，几只烧鹅排排企等紧我！可以买原只烧鹅髀或者全只/半只/上庄/下庄，最后决定要下庄（$138 ），咁就有髀食啦！企喺度等外卖都闻到烧味嘅香味，烧鹅皮令立立，芳香扑鼻，仲有好多汁添！咬一啖有好多肉汁，肉质都好唔错，实净得来又唔会太硬，烧鹅油香味喺口腔内盘旋，𩠌白饭好正！今次亦留意到多咗好多优惠，例如午市套餐$58包四样嘢，堂食同外卖都得，另外仲有$18半只鸡（要外卖自取满$100），真系算平㖞，下次有机会再试吓啦。