Lab 66 (已結業)

约朋友食饭，最忌就系唔知食咩好，A朋友又话要食西餐，B朋友又话要食日本野咁🙄喂呢间特别在韩式、西式、泰式，甚至中式都有得食，最岩一大班朋友食。 韩式泡菜炒黑豚肉片（$78）加薄饼（$28） 食左韩国野先！黑豚肉片都好冧而且唔肥，泡菜份量好多，唔会过熟，所以仍然保持泡菜既爽！就咁食呢，个味会比浓啲但唔太辣既，但夹埋薄饼同辣酱食就岩岩好！镬仔广岛蚝饼（$78） 中式style蚝饼都有！热辣辣上枱，食蚝饼最忌成口油，但呢个唔油，个边都好脆，但中间都好多冧好多肉，但蚝肉好似有啲细粒同少（但有机会系我啲朋友食晒啲蚝既😂），唔错既。芝士蕃茄酱黑豚肉柳（$148） 终于到我拣既西式啦😍个黑豚肉柳好冧同juicy, 一啲都唔韧，蕃茄酱（唔系hea野茄汁，真系有茄肉嫁）加埋芝士真心无得输！芝士份量都多！不过个配菜薯角就可以熟少少，咁就perfect，可是整体份量较少。手工雪糕gelato($38） 有三种味，开心果味、玫瑰花味同茉莉花味。最好味系开心果味，好浓！但其余两种就一般，有点似食紧香精咁😂呢间餐厅食物质素都唔错，但价钱略嫌有点贵。