桃花源小廚 (已結業)

老公生日指明要食中菜（佢系真汉子），上年食左跑马地既壹玖捌叁，今年又要做功课睇下有咩中菜好食啦。因为结完婚之后第一个过既生日，所以想拣啲唔系周围都有得食，特别啲既中菜。见到桃花园小厨既menu几特别下，再加上之前去上环其实经过过哩间餐厅好多次，次次我地都会话「点解间野开系哩度仲要系地舖既？」，咁有缘所以我就决定左食哩间！Book枱时留左2个玻璃虾球同埋2只蟹钳。之后send埋个openrice link比老公，佢一睇就话「咦！哩间啊！ok！」头盘送左个皮蛋酸姜比我地。因为老公唔食所以我食哂。皮蛋系靓既溏心皮蛋，但系酸姜系日本餐厅偏淋既酸姜，我以为系爽脆既子姜👉🏼👈🏼... 自己叫左冰镇鹅肉卷。出乎我老公意料之外地好好味，因为冇食过亦觉得好特别。之后就上左玻璃虾球。虾球好大只！爽甜有虾味，非常新鲜。豆苗都好香甜。佢另外上左蚝油同虾酱，我地觉得个虾酱好味，同只虾都好夹。 时间掌握得好好，冇耐就上冬瓜&蛋白蒸蟹钳。老公话哩个𩠌好唔抵，但我话生日食好啲同埋唔系周围有得食（又要好食又特别既中菜真系唔易揾😭我都揾左成日），佢都认同。佢就觉得冬瓜蒸冇咁滞但我觉得2个各有各好。