影片
更多
2015-06-12
1071 浏览
食友知小弟因工作关系，间唔时要跑入重庆山区，农家乐以外，重庆菜、四川菜更会接触不少，故此就以为我好食得辣，结果就拉埋我一齐嚟尖沙咀嘅「川熙楼」尝川菜。其实，「普通辣」我都OK，但实际上我唔喺个好食得辣嘅人，就算晌山区做嘢，小弟大多数都喺拣清淡嘅素菜食，查实，辣都其次，可以食少啲，甚至避开唔食，但油淋淋先攞你命，炒个菜都会落好多油 ！友人曾经嚟过，佢话以前装修比较西化，有啲卡位，反而觉得依然嘅环境颇别致，几得意，挺有古时客栈小店格局，全场都喺木枱及长板櫈。是夜，人客较疏落，所以，我哋都可以静静哋咁倾偈。菜谱分头盘、凉菜、特色菜、水煮、汤菜、辣子香锅、汤羹、素菜、主食（饭面）及甜品，部份菜色图文并茂，辣定唔辣？有几辣？可参考菜谱中嘅「辣椒」指数。前后试咗三款凉菜，蓝莓山药曾在别家餐厅试过，又睇睇川熙楼做得如何？蒜泥白肉称得上川菜嘅凉菜名物，反而椒麻盐水虾属于首尝，几款凉菜都有唔同卖点。蓝莓山药 $48每片山药沾满蓝莓汁，均被染成鲜蓝，而山药口感粉粉黏黏，味道则带有蓝莓鲜味，兼有少少薄荷味及些少甜味。事后，跟店主倾开，原来个蓝莓汁有加入蓝莓酱增加色感，而甜味嚟自蜂蜜。蒜泥白肉 $78卖相比较
友人曾经嚟过，佢话以前装修比较西化，有啲卡位，反而觉得依然嘅环境颇别致，几得意，挺有古时客栈小店格局，全场都喺木枱及长板櫈。是夜，人客较疏落，所以，我哋都可以静静哋咁倾偈。
菜谱分头盘、凉菜、特色菜、水煮、汤菜、辣子香锅、汤羹、素菜、主食（饭面）及甜品，部份菜色图文并茂，辣定唔辣？有几辣？可参考菜谱中嘅「辣椒」指数。
前后试咗三款凉菜，蓝莓山药曾在别家餐厅试过，又睇睇川熙楼做得如何？蒜泥白肉称得上川菜嘅凉菜名物，反而椒麻盐水虾属于首尝，几款凉菜都有唔同卖点。
蓝莓山药 $48每片山药沾满蓝莓汁，均被染成鲜蓝，而山药口感粉粉黏黏，味道则带有蓝莓鲜味，兼有少少薄荷味及些少甜味。事后，跟店主倾开，原来个蓝莓汁有加入蓝莓酱增加色感，而甜味嚟自蜂蜜。
蓝莓山药
$48
52 浏览
1 赞好
0 留言
卖相比较做得精致，肥瘦相间嘅五花腩均匀，入口感觉唔肥，最钟意喺师傅刻意将白肉卷住啲青瓜丝，除令卖相更立体之外，食落更添清爽，辣椒蒜泥亦令到白肉相当惹味，又带少少麻香。
蒜泥白肉
$78
55 浏览
2 赞好
0 留言
外观略带咯嗲虾风格，以高身玻璃杯盛载登场，再配点沙律菜做装饰。晶莹嘅虾只既大又爽，点点咸味，并以花椒嘅麻较重，辣味则隐若少少，垫底嘅青瓜粒非常爽脆，咪错过。
椒麻盐水虾
$78
36 浏览
1 赞好
0 留言
野菌炖鸡汤 $238又野菌，又炖汤，啱晒我啦，一大锅野菌炖鸡汤送到埋嚟，热气腾腾，香气四溢。一大碟汤渣被你验明正身，牛肝菌、姬松茸、老鸡、赤肉 ……等等，炖足几粒钟，真喺唔醇香顺喉就有鬼咯，可惜一锅得5-6碗，想饮多啲都难。
野菌炖鸡汤
$238
45 浏览
2 赞好
0 留言
自贡跳水娃 $188餐牌中有一类叫特色菜，田鸡（牛娃）实在好耐无食过，嚟一客自贡跳水娃，就睇睇有几特色。望落去时，咪睇佢又辣椒，又青椒， 唔喺好辣咋㖞，而田鸡啲肉质十分之嫩滑，越食越滋味。
自贡跳水娃
$188
42 浏览
2 赞好
0 留言
红汤羊肉 $238属水煮、汤菜类，一大汤红当当红油咁款，未食都有种火辣辣嘅感觉。未知喺咪个辣汤，羊肉食落唔太膻，质感则颇软腍，但就越食越辣，果然火辣辣，内里仲有唔少大葱同大豆芽，不过沾满辣汤，食友就话投降，小弟就继续挑战。
红汤羊肉
$238
55 浏览
1 赞好
0 留言
香麻爬爬虾（时价）辣子香锅类拣嚟爬爬虾，想知喺乜家伙，原来喺琵琶虾，哈哈。依道菜以时价计，今晚就卖$50只，叫多少随意，亦唔见店员讲话几多只起计。香麻爬爬虾以大木盆盛载，顾名思义，主打喺喺香与麻，所以，盆面堆满大量配菜：大葱、紫洋葱、唐芹、鲜胡椒、莲藕条，诱发不同香气；而琵琶虾则藏晒晌底，虽然肉唔算多，但惹味到不得了。
香麻爬爬虾
$250
43 浏览
2 赞好
0 留言
杞子浸莴笋 $108有句谚语叫万绿丛中一点红，依道莴笋嘅出场正正相反，喺是晚嘅万红丛中一点绿，更似一道清泉咁登场，因为碧绿嘅莴笋，有种淡然清新嘅娇态。的而且确，莴笋入口爽脆清新，浸晌高汤中，伴以一啲菇菌、杞子，简单天然。
杞子浸莴笋
$108
35 浏览
2 赞好
0 留言
豆奶桃脂 $38以桃脂浸在豆浆中所做成嘅一道甜品，个人觉得豆浆稍淡，豆味亦唔够浓，至于啲桃脂，其实无乜味，食落似雪耳嘅口感，但据介绍就营养丰富。
豆奶桃脂
$38
24 浏览
1 赞好
0 留言
豆奶桃脂
52 浏览
2 赞好
0 留言
张贴
