鼎·會館 (已結業)

「鼎爷厨房」，早早已经想黎试下阿爷既功夫菜，可惜一位难求，早一个月订位先同朋友食到饭！今晚上到餐厅，环境的确特别，有古典中国风味，环境好靓！朋友叫左餐厅著名菜之一，秘制火焰叉烧，用上半肥瘦猪腩肉，加上火焰烧香，外层香脆肉质爽嫩，油香浓郁肉汁非常丰富！蚵仔卷，薄薄炸粉加上大大只肥美蚵仔和润肠，炸得香口唔会油腻，入口香甜唔会好腻！双耳炖蟹钳汤，巨大蟹钳的确好足料！蟹肉鲜嫩好新鲜，汤汁香浓好足料！马友肚中寻，朋友想食鱼，早早预订左依个菜，原条桂花鱼加上马友咸鱼，蒸得香滑，咸鱼增加鱼味和咸香，鱼肉非常滑溜！煲仔饭成为我地最爱菜式，饭粒好入味啊！黑松露菌香非常重，加上肥美香嫩鸡肉，味道非常惊喜！红枣糕甜度唔高，好清香！