文華廳

营业中

休息中

MO嘅餐厅真系唔会令你失望，weekday lunch选择咗嚟文华厅食星级点心。虽然感觉旧装修更古色古香，但新装修都令人眼前一亮，地方更宽敞，走modern风格。 Menu上嘅点心虽然写住三件、四件等，但其实可以根据需求点返需要嘅数量，好赞～ 黑椒和牛酥（三件）168$千丝酥皮外层入口即溶，和牛粒脂香四溢，黑椒调味恰到好处，非常惹味。原只鲍鱼鸡粒盏（三件）188$鲍鱼炆得非常之软腍入味，好有惊喜，挞底松化有蛋香，食过翻寻味。小萝卜盆栽（三件）148$外表够晒精致，系萝卜造形咸水角，炸得酥脆，内饀系猪肉碎同虾干。东星斑烧卖（四件）148$好特别的鱼肉烧卖，上面有原片东星斑，点上文华厅的XO酱/辣椒油食一流。