影片
更多
2020-11-28
650 浏览
［寻味九龙东］收工口淡淡唔知食咩嘅时候突然谂起创业街开左间靓靓嘅车仔面铺。基于本人成日都想支持本地中小企嘅关系即刻揸车去试试⋯入到去装修完全行日式简约风，重点系比起同区好多所谓日式餐厅更干净、亦无油烟味！拎起餐牌见佢有车仔面有饭有早餐，即刻有啲失望，因为风深信只有专注至有好味道。不过既然都入去左，就俾个机会佢哋同样比个机会自己⋯而既然佢地打正招牌话系车仔面铺，我理所当然试下佢地个车仔面。睇到车仔面个餐牌时有啲不知所措，因为佢有传统嘅车仔面𩠌、又有拉面嘅𩠌（糖心蛋？？Are you sure??)不过好在汤底都有好多选择，我拣左鸡汤再加胡椒味⋯然后𩠌我就拣左花胶、鱿鱼同埋秋葵⋯上枱个面都几靓仔，如果系第一次帮衬餐厅试味，我一定会试下佢啖汤嘅⋯一入口清甜，无咩胡椒味（后来至发现原来胡椒味系要捞混胡椒粒之后慢慢出味。）个个汤底好好饮，绝对无加味精，捞混左胡椒后更惹味同暖胃，已经好多年无遇过咁高质嘅汤底，之前就算遇到都系拉面铺，车仔面真系谂面无谂过⋯秋葵嘅味道味就系秋葵啰！唔可能有变化，不过嗌得秋葵面预左⋯如果大家揾到间觉得好好食或者好难食嘅秋葵面欢迎同得讲，因为可以改变到秋葵嘅味道同质感都算
收工口淡淡唔知食咩嘅时候突然谂起创业街开左间靓靓嘅车仔面铺。
基于本人成日都想支持本地中小企嘅关系即刻揸车去试试⋯
入到去装修完全行日式简约风，重点系比起同区好多所谓日式餐厅更干净、亦无油烟味！
拎起餐牌见佢有车仔面有饭有早餐，即刻有啲失望，因为风深信只有专注至有好味道。不过既然都入去左，就俾个机会佢哋同样比个机会自己⋯
而既然佢地打正招牌话系车仔面铺，我理所当然试下佢地个车仔面。
睇到车仔面个餐牌时有啲不知所措，因为佢有传统嘅车仔面𩠌、又有拉面嘅𩠌（糖心蛋？？Are you sure??)不过好在汤底都有好多选择，我拣左鸡汤再加胡椒味⋯
然后𩠌我就拣左花胶、鱿鱼同埋秋葵⋯
上枱个面都几靓仔，如果系第一次帮衬餐厅试味，我一定会试下佢啖汤嘅⋯
一入口清甜，无咩胡椒味（后来至发现原来胡椒味系要捞混胡椒粒之后慢慢出味。）个个汤底好好饮，绝对无加味精，捞混左胡椒后更惹味同暖胃，已经好多年无遇过咁高质嘅汤底，之前就算遇到都系拉面铺，车仔面真系谂面无谂过⋯
秋葵嘅味道味就系秋葵啰！唔可能有变化，不过嗌得秋葵面预左⋯如果大家揾到间觉得好好食或者好难食嘅秋葵面欢迎同得讲，因为可以改变到秋葵嘅味道同质感都算系创举⋯我真心会去试⋯
花胶分量算充足、16蚊有两块，有少少胶质得黎亦弹牙，唔会话太硬又唔会溶到一旧咁，以16蚊黎讲算好超值⋯
鱿鱼一开始食就觉得不过不失，不过食多一两旧发现越来越出味，好香、少少辣味开始惹味同醒神，好味！！
总体而言成碗面嘅份量偏少，不过绝对系高质素嘅车仔面。佢不同于普通嘅车仔面，亦有保留车仔面嘅风味！！
个人黎讲虽然未算惊为天人不过都系强烈推荐。
如果大家都想支持本地小店亦自问系嘴尖一族真心值得一试。
如果系当区工作，食lunch去绝对系上佳选择（除左多人难等位外⋯过左12:45根本上一定要等位）
张贴
