影片
更多
2019-11-15
260 浏览
行过见到新开张，又有蚝仔粥，我最爱，所以就入去试吓。一坐低，立即order碗蚝仔粥，个阿姐唔知做乜黑晒面，一句「一早无得卖啦！」跟住调头走！我即刻心情一沉，你门口碌咁大个牌写住蚝仔粥，无得卖你唔收返个牌？就算卖晒，讲多句解释下使死？仲要黑面+走开？一啲基本礼貌都无！算！肚饿，叫第样，牛腩面，有喇挂，有，写完张单又系黑口黑面行过嚟大大力「pat」低！咩事？更年期？牛腩........顶！系「油」腩面至真！肥膏多到几乎唔见有瘦肉？好彩啲面仲叫食得，肚饿，无计，顶硬上见到啲油腩唔开胃，见粉面加6蚊有油菜，咁就叫个芥兰，念住叫另一个阿姐落单，点知个阿姐讲国语，唔识落单，要等𠮶个黑面神，我都已经O晒嘴！但真心肚饿无法子，唯有再叫黑面阿姐，落完单，睇睇，点解加左13蚊既？问佢，佢立刻粗声粗气话，你叫加菜丫嘛，加菜咪13蚊！我话你menu写加菜加6蚊㖞，佢话面加菜加6蚊，你而家加菜就系13蚊！落左单，无得改喇！我几乎想一碗面车埋佢度！阿姐你知唔知自己讲紧咩？我而家唔系面加菜系咩？你唔识改咪出声啰！豪无礼貌，知错唔改，仲要声大夹恶兼无准！出街食嘢咁耐，第一次食到成肚气！以后，绝对唔会再去帮衬！
一坐低，立即order碗蚝仔粥，个阿姐唔知做乜黑晒面，一句「一早无得卖啦！」跟住调头走！我即刻心情一沉，你门口碌咁大个牌写住蚝仔粥，无得卖你唔收返个牌？就算卖晒，讲多句解释下使死？仲要黑面+走开？一啲基本礼貌都无！
算！肚饿，叫第样，牛腩面，有喇挂，有，写完张单又系黑口黑面行过嚟大大力「pat」低！咩事？更年期？
牛腩........顶！系「油」腩面至真！肥膏多到几乎唔见有瘦肉？好彩啲面仲叫食得，肚饿，无计，顶硬上见到啲油腩唔开胃，见粉面加6蚊有油菜，咁就叫个芥兰，念住叫另一个阿姐落单，点知个阿姐讲国语，唔识落单，要等𠮶个黑面神，我都已经O晒嘴！
但真心肚饿无法子，唯有再叫黑面阿姐，落完单，睇睇，点解加左13蚊既？问佢，佢立刻粗声粗气话，你叫加菜丫嘛，加菜咪13蚊！我话你menu写加菜加6蚊㖞，佢话面加菜加6蚊，你而家加菜就系13蚊！落左单，无得改喇！我几乎想一碗面车埋佢度！阿姐你知唔知自己讲紧咩？我而家唔系面加菜系咩？你唔识改咪出声啰！豪无礼貌，知错唔改，仲要声大夹恶兼无准！
出街食嘢咁耐，第一次食到成肚气！
以后，绝对唔会再去帮衬！
张贴