張公館

营业中

休息中

今晚系中菜厅食到一味炒得绝好既菜芯苗，冇错，系蔬菜。定价黎讲，真系比较贵既一碟菜，不过当你食一啖就会赞叹厨师既手功同埋配料既用心精致度。菜芯苗嫩绿，配上极之酥化猪油渣同炸脆大地鱼粒，伴以适量蒜蓉，好好食，绝对值得呢个价钱。新菜单仲有香炸虾枣，圆碌碌，弹牙厚肉，新鲜大粒，配酸甜冰梅酱好夹，一定要试下。新加坡胡椒蟹爪粉丝煲，个汁无敌，好惹味唔太辣，精华系粉丝煲，每条粉丝都吸满汁，深啡色夹杂红椒丝，太美味，蟹爪份量多，每只都舔到干干净净只剩壳。甜品：橙丝清心丸绿豆爽，清心丸特别烟韧，糖水清清地好滋润。香煎黄金糕，软糯有椰香，金黄色应下节庆。壶茶有烛台热住，西湖龙井，慢慢饮。