影片
更多
2019-05-08
5761 浏览
好好好鬼中意睇李纯恩嘅专栏, 去杭州酒家都系全因李纯恩早前嘅一篇文, 佢话杭州酒家嘅虾爆鳝面唔错, 所以订枱试试!上网睇睇先知杭州酒家系米芝莲一星!而且重有好多美食，所以颇期待有个美食之夜！一入到酒家, 地方虽然唔大, 但极有中国风, 而且挂咗D台湾政界猛人相片同提字.再行入D，哗哗哗! 搅咩呀! 咩味噤臭!!! (X_X)侍应话系臭豆腐味! 相信佢心底里笑紧我无知....香港风味嘅臭豆腐我完全唔觉臭, 但从未食过闻过内地风味嘅臭豆腐，杭州酒楼嘅臭豆腐臭非笔墨可形容！近期有两款食品食过几次都几失望,一款系葱油饼, 另一款系锅贴.香港叫葱油饼, 杭州酒楼称为家常饼, 相信系内地叫法吧.除咗点锅贴, 重有葱油海蜇，小笼包，酸辣汤，蟹皇翅同虾爆鳝面.葱油海蜇 : 海蜇爽脆, 满分!锅贴 : 终于食到外形同质素似样嘅锅贴, 首先 size 正常无偷工减料, 唔似得依家坊间嘅锅贴鬼噤细. 另外锅贴底煎得够㶶, 所以够脆, 馅料足够味道适中重有爆出黎嘅高汤, 又一个满分作品!小笼包 : 讲外型我都系中意有18个褶嘅小笼包, 我食小笼包唔中意落任何调味, 杭州酒楼嘅小笼包高汤足够但味道颇淡, 都系鼎
上网睇睇先知杭州酒家系米芝莲一星!而且重有好多美食，所以颇期待有个美食之夜！
一入到酒家, 地方虽然唔大, 但极有中国风, 而且挂咗D台湾政界猛人相片同提字.
再行入D，哗哗哗! 搅咩呀! 咩味噤臭!!! (X_X)
侍应话系臭豆腐味! 相信佢心底里笑紧我无知....
香港风味嘅臭豆腐我完全唔觉臭, 但从未食过闻过内地风味嘅臭豆腐，杭州酒楼嘅臭豆腐臭非笔墨可形容！
近期有两款食品食过几次都几失望,
一款系葱油饼, 另一款系锅贴.
香港叫葱油饼, 杭州酒楼称为家常饼, 相信系内地叫法吧.
除咗点锅贴, 重有葱油海蜇，小笼包，酸辣汤，蟹皇翅同虾爆鳝面.
葱油海蜇 : 海蜇爽脆, 满分!
锅贴 : 终于食到外形同质素似样嘅锅贴, 首先 size 正常无偷工减料, 唔似得依家坊间嘅锅贴鬼噤细. 另外锅贴底煎得够㶶, 所以够脆, 馅料足够味道适中重有爆出黎嘅高汤, 又一个满分作品!
小笼包 : 讲外型我都系中意有18个褶嘅小笼包, 我食小笼包唔中意落任何调味, 杭州酒楼嘅小笼包高汤足够但味道颇淡, 都系鼎泰丰比较啱我.
食到依家D臭味散得7788噜!
家常饼 ： 葱花及芝麻足够，饼炸得外脆内软，上枱时重系热辣辣，满分.
酸辣汤 : 味道有酸又有辣, 味道浓郁配料充足.
蟹皇翅 : 蟹皇味浓而且用料足, 每一啖都有蟹皇, 只系翅比较细少份量不足.
虾爆鳝面 : 虾只选用河虾唔系海虾, 所以size 偏细, 但口感极弹牙, 质素比另一间上海菜名店香港老饭店更高, 虾肉比老饭店更实. 至于爆鳝嘛…. 黄鳝肉颇薄身, 由于经过油炸, 外层有小小脆口, 至于面身用上较粗嘅面条, 我自己中意幼面条, 再加上汤底味道属咸味, 我中意偏甜, 所以…. 失望.
离开嘅时间, 厨房又整碟臭豆腐出黎, 系我身边经过！令原本无咩味嘅大厅又再劲臭! 哗哗哗…. 敌人用神经毒气! 撤退!
张贴
