小點角落 (已搬遷) 新店位置

又一个打卡好地方啦 ˃̵͈̑ᴗ˂̵͈̑ 呢间餐厅走文艺路线，装修以怀旧游乐场做蓝本，唔同年龄层嘅客人可以透过呢道嘅环境感受同重温一下儿时快乐嘅回忆。菜式方面，除咗充满经典街头风味之外，仲结合咗创意元素，美味可口之余，打卡一流～✎ 慢煮美国封门牛柳沙茶天使面 + 半份梅子醉猪手材料有牛柳、天使面、几粒蕃茄、洋葱同三色椒。天使面食落略为干身，无乜油腻感，几素食feel，味道少辣，应该洒咗辣粉调味。而牛柳 质素唔错，煮到红嫩而软腍，少少咸，充满口感，咬落个下仲浸出浓郁嘅牛味！猪手充满浓烈梅酒味，滑嫩可口，冇乜肥膏。✎ 铁板惹味菜脯烧卖 呢碟同样都有三色椒、洋葱、葱同菜脯。烧卖都几大粒，软腍，入面唔粉，加咗菜脯同xo酱，令成碟菜式色香俱全，极为惹味。不过呢碟偏油腻～✎ 鸡蛋仔101画室 外脆内软，鸡蛋仔味浓。有各种水果伴碟，例如蓝莓、士多啤梨、菠萝同香蕉，清新感十足。亦都有好多酱料伴碟：柠檬酱、花生酱、辣朱古力酱、蓝莓酱，各种口味任你拣。呢道甜品最特别之处系会提供食用颜料俾你，任你发挥自己小宇宙，系甜品上面二次创作，而食用颜料系炼奶同海盐焦糖酱，加落鸡蛋仔度食，味道配搭亦唔会怪～✎ 西瓜香柠 酸酸地，有