三點三冰室

营业中

休息中

去Airside睇完戏食晚饭，简简单单去咗三点三冰室食，经济实惠。西冷牛扒餐 $134扒餐跟左个日式粟米汤，味道ok。牛扒大大份，肉质ok，一般茶餐厅应有水平，配上嘅蒜蓉汁好惹味。仲有跟碟嘅粗身薯条好香，外脆内软，我哋好快食晒😆菠菜吞拿鱼焗通粉$68白汁够多，多得嚟又唔会腻，加上少少焗香咗嘅芝士，好易入口的。滑滑嘅菠菜碎同埋甘香吞拿鱼碎，捞匀通粉大大啖咁食，几好食。妙龄乳鸽 $62我哋仲叫咗只炸乳鸽过口瘾，本来我哋冇咩期望茶餐厅嘅乳鸽，点知又几好食㖞。乳鸽皮脆肉嫩，仲几有肉汁添，估唔到唔喺酒楼都有靓乳鸽食。