Plato Cafe & Bistro (彌敦道) (已結業)

今日同朋友行完旺角，再行到去油麻地。行到攰攰地就决定揾间餐厅食个晚饭闪人。见呢一间Plato 个招牌咁明显就决定入去试吓。佢个位置系喺一间酒店嘅入边，不过门口侧边都有晒招牌所以好易揾。见到佢个招牌设计都几得意，原来佢喺佐敦已经有一间分店，咁相信开得分店应该质素唔会太差嘅。一坐低即刻睇吓餐牌先。佢有个精选二人餐，都系四百几蚊，不过我同朋友都唔系话太肚饿，咁就决定一人散点一个套餐再一齐Share。咁我就叫咗一个西班牙黑毛猪鞍架🐷，朋友就叫咗一个龙虾汁海鲜天使面🦞。饮品就叫咗一杯榛子朱古力，同一杯白酒。一落单就即刻有餐汤同蒜蓉包，餐汤系南瓜忌廉汤，味道不错。仲有个蒜蓉包送下汤！至于上菜速度简直令人赞叹，可以落单5分钟唔够就上菜。劲！先上菜就系龙虾汁海鲜天使面，天使面嘅味道比较淡口，上面配有烟三文鱼(仲整到成朵花)，青口同帆立贝，因为配料嘅味道比较浓啲，配住食就岩岩好。食完个天使面，佢会因应时间再上黑毛猪。呢个黑毛猪就惊喜，佢个酱汁有苹果味🍎，好夹黑毛猪。而且唔算好肥腻，食落都爽口。除咗肉之外，亦都有少少脂肪，夹住食先过瘾。所以呢个黑毛猪系一定要试一试。至于饮品我杯榛子朱古力🍫就相对有啲甜，但