瓏門冰室 (已結業)

备受抨击既珑门冰室，我地之前午市食过，觉得系普通茶记质素，唔会太难食又唔系太好食。一直被人批评佢地食物质素既珑门，会唔会仲系好似以前咁？定还是已经有所改良？即刻话你知。今晚黎到尖沙咀珑门冰室，一入门已经有大量正野睇，跟住坐低睇下餐牌，发现呢间珑门晚市唔系净系得茶记食物，仲有系煲仔小菜。我地心谂做茶记野都比人抨击得咁劲，做埋大排档野得唔得架？跟住我地叫左个二人餐，包两个煲仔小菜，一个时菜，再加一份例牌叉烧或油鸡，咁我哋就要左份叉烧。中式牛柳煲，牛柳份量足料，而且尚算入味，加埋配料，一定足够一个人食，味道都几好。菠萝咕噜鸡球煲：鸡球份量都好够，同牛柳差唔多入味，菠萝都有好多。佢地套餐会跟两大碗饭，好大碗，食唔哂。时菜就普通白灼菜，加个豉油咁。个叉烧比想像中既好，需然切工麻麻，斩得比较大旧，但整体味道都够。如果两个男人食都一定够饱，仲有两杯饮品，二百几蚊都算系咁。略嫌佢地地方浅窄仲用大碟上菜，呢方面要再改善下，同埋地方清洁要再做好啲，比较多尘。希望佢地会越做越好，我地会继续支持。