影片
更多
2014-07-01
512 浏览
前日(29-6-2014 Sun)同女友人WK聊o左成个晏昼,冇理由到夜晚唔理佢,唔同佢食饭,于是同埋男友,三个一齐揾o野食.谂唔到去边o度食,男友话我o地食过,o系荃丰o个边o个间日本o野.啊,呢间.WK又冇异议,就呢间啦.我o地o黎到o岩o岩爆满,男友问老板要等几耐?佢答10分钟左右.我提男友问有冇飞?佢就去问,然后留低电话俾老板娘,有位call我o地.OK,我o地行吓,返转头时见多人等位,冇耐,老板娘拎起手机打电话,应该系打俾我男友喇.男友手机响喇,冇错,系有位.我o地坐低后,老板同我o地讲呢晚冇寿司.啊.男友要$38.00o既G餐,有加州卷(半条),和风炸饺子同稻庭汤乌冬.我要$45.00o既J餐,同样有加州卷(半条)同稻庭汤乌冬,但和风炸饺子变o左薯丝虾沙律.WK被男友推介,要o左$58.00o既蒲烧鳗鱼丼.所有餐都送热玄米茶或冻低糖绿茶,我o地三个都要晒冻低糖绿茶.Order完就研究小食,决定要埋$18.00o既七味鸡件,$15.00o既𫠒鱼小丸子(3粒)同$22.00o既芝士春卷(5条).冇耐,三杯冻低糖绿茶到o黎,同上次一样,都系用透明胶杯装住,味道一样咁好饮. 之后
谂唔到去边o度食,男友话我o地食过,o系荃丰o个边o个间日本o野.啊,呢间.WK又冇异议,就呢间啦.
我o地o黎到o岩o岩爆满,男友问老板要等几耐?佢答10分钟左右.我提男友问有冇飞?佢就去问,然后留低电话俾老板娘,有位call我o地.
OK,我o地行吓,返转头时见多人等位,冇耐,老板娘拎起手机打电话,应该系打俾我男友喇.男友手机响喇,冇错,系有位.
我o地坐低后,老板同我o地讲呢晚冇寿司.啊.男友要$38.00o既G餐,有加州卷(半条),和风炸饺子同稻庭汤乌冬.我要$45.00o既J餐,同样有加州卷(半条)同稻庭汤乌冬,但和风炸饺子变o左薯丝虾沙律.WK被男友推介,要o左$58.00o既蒲烧鳗鱼丼.所有餐都送热玄米茶或冻低糖绿茶,我o地三个都要晒冻低糖绿茶.
Order完就研究小食,决定要埋$18.00o既七味鸡件,$15.00o既𫠒鱼小丸子(3粒)同$22.00o既芝士春卷(5条).
冇耐,三杯冻低糖绿茶到o黎,
同上次一样,都系用透明胶杯装住,味道一样咁好饮. 之后男友o既加州卷(半条)到o黎,
沙律酱系唧o系上面,内里有青瓜,蟹柳同蛋,青瓜清甜,成个味道都正常.6分钟后,和风炸饺子到o黎,
男友先食,热腾腾脆卜卜,店方已经加o左少少豉油吊味.饺子馅都系正常o个啲o野,味道都一样正常.
3分钟后,两碗稻庭汤乌冬,
唔系细碗,汤系酱油汤,乌冬滑,味道又o岩o岩好.之后WK o既,蒲烧鳗鱼丼到o黎,
对比起我同男友第一次o黎食(o个个食评: http://www.openrice.com/restaurant/commentdetail.htm?commentid=2360267&tc=sr2&con=rvwer),好似冇o左蛋丝,味付八爪鱼变o左味付螺肉,我冇问WK觉得点,不过佢冇bad comment.然后我o既薯丝虾沙律到o黎,
卖相精致,估唔到将涉律放o系薯片上面, 薯丝虾炸得几靓,食落,虾系全只o既,炸粉唔太多,
口感唔错.而薯片沙律呢,我食o个块已经开始受潮腍,呢个配搭都几OK o既.最后,我o个半条加州卷终于到o黎,
几惊佢o地漏o左,但其实佢o地一开始可以整晒两碟出o黎,唔明点解要分两次. =.=”上完所有套餐o既食物后,小食就开始到o黎,先o黎3粒𫠒鱼小丸子,
同样炸得唔过火,配少少千岛酱同食.呢个同样个粉唔厚,但我食唔到𫠒鱼,唔通我错过o左?内里菜粒就多.
11分钟后, 5条芝士春卷到o黎,
一样炸得好靓同埋系o岩o岩炸起,食o既时候要特别小心.内里o既半熔芝士够味同软,
但真系热腾腾,小心烫伤.芝士系充满o左成条,一啲都冇少到.5分钟后,最后o既七味鸡件到o黎,
颜色比之前o个啲炸物深,油唔算多,食落外脆内滑,
不过一啲都唔辣, 七味粉落得唔够?我唯有自己加少少七味粉.呢o度o野食都系中规中矩,服务依然系因经验唔够,俾o左加州卷都重未俾筷子我o地.
环境:
舖位细一定迫夹,o黎食就一定要有心理准备.而冷气略嫌唔多够.
其他:
老板向每个坐低o既客交带声冇寿司食,我o地隔离枱一个女顾客,趁佢男伴行开o左,一听到就讲晒粗口话o黎日式餐厅冇寿司,咁食X o野?o黎三次三次都冇….又问老板可唔可以将寿司饭同𩠌分开上?你系啲饭未整起啫.老板好有礼貌解释唔可以o架,要等饭凉o左至捞得醋,咁会出事.
梗系啦,客人食到肚痛咪死?我o地觉得呢个女顾客无理,呢间冇佢大可以唔食,即刻起身走人,又或者食刺身丼,贪平靓正(其实我冇留意寿司类o既价钱)就系咁o架啦.
味道系3.4分, 抵食系2.58分
张贴
