影片
更多
2020-09-04
2153 浏览
晌美孚，有条山路可以一直行到上「华景山庄」，唔算难行，我同老婆都行过好几次，次次上到「华景」呢个揾食沙漠，都话嚟呢间全个「华景」嘅唯一食店「百份百餐厅 」叹个下午茶，有住晌「华景」嘅朋友就话感恩有「百份百餐厅」呢个绿州。卒之，朝早晌屋企专登整咗份颇丰富嘅全日早餐，晏昼就跳咗午餐，到2:30pm就行个短山上到嚟叹下午茶。无论晌门口，抑或入到里面，都见餐厅晌防疫方面都做到好足，晌不同位置，都放有抗疫资讯牌，不断提醒大家，以增加大家嘅防疫意识。 踏入餐厅，昏暗嘅灯光，走少少工业风咁款，不过，如果你拣正右边一排位，有偌大嘅落地玻璃窗，就会比较光猛，感觉更清爽。下午茶时段为2:00pm-6:00pm，咁有啲咩选择呢？因为佢哋有兼营面包店，就晌近入门口处，所以，早市或茶市都提供一款「鲜制面包套餐」，一款特色包加杯热饮，卖$22-$24，喺比较经济嘅选择。另外，就喺晌茶记或快餐店见惯见熟嘅选择，如炸鸡脾呀、西多士呀、公司治呀、汤粉面呀……等等，亦有饱肚啲嘅迷你炒粉饭面。由于我哋都无食晏，呢餐话就话下午茶，但都当埋午餐，所以，两个都拣咗炒粉面。滋味迷你焗鲜茄猪扒饭 $39果然真喺有啲迷你，唔好睇相以为
无论晌门口，抑或入到里面，都见餐厅晌防疫方面都做到好足，晌不同位置，都放有抗疫资讯牌，不断提醒大家，以增加大家嘅防疫意识。
踏入餐厅，昏暗嘅灯光，走少少工业风咁款，不过，如果你拣正右边一排位，有偌大嘅落地玻璃窗，就会比较光猛，感觉更清爽。
下午茶时段为2:00pm-6:00pm，咁有啲咩选择呢？因为佢哋有兼营面包店，就晌近入门口处，所以，早市或茶市都提供一款「鲜制面包套餐」，一款特色包加杯热饮，卖$22-$24，喺比较经济嘅选择。
另外，就喺晌茶记或快餐店见惯见熟嘅选择，如炸鸡脾呀、西多士呀、公司治呀、汤粉面呀……等等，亦有饱肚啲嘅迷你炒粉饭面。由于我哋都无食晏，呢餐话就话下午茶，但都当埋午餐，所以，两个都拣咗炒粉面。
滋味迷你焗鲜茄猪扒饭 $39果然真喺有啲迷你，唔好睇相以为好大碟，其实只碟好浅吓，不过，卖相有啲吸引，因为铺满鲜茄酱，又洒咗唔少芝士碎，上枱之时喺几香喷喷吓。
饭底喺炒过嚟，而且，质感都颇为爽身，喺有诚意嘅表现，而鲜茄酱似喺落咗唔少茄膏去推，浓就浓喇，但有少少过火，比较酸；
猪扒就唔似「大家乐」嘅「一哥焗猪」咁，一大块厚切，而喺有3小块，厚薄就较家常𠮶种，无咁有睇头，但就方便啲食用。猪扒入口都算松化，亦腌得入味，整体嚟讲都OK啦！
星洲炒贵刁 $41谂住好似个焗饭咁，个贵刁都会「迷你」咗，事实又唔喺㖞，个份量都几十足，而且，算炒得唔错，有镬气，色泽均匀，仲有好多𩠌料，叉烧、火腿、蛋丝、银芽、葱度……等等，带微微咖喱香，最欣赏喺食完又唔会一碟底都喺油。
热奶茶、热好立克本来谂住叹杯咖啡，但睇到佢枱边对奶茶嘅介绍，就改变咗心意。
的确，杯奶茶嘅茶底喺几幽香，入口浓郁醇厚，茶、奶比例恰好，然而，口感嘅滑度就无乜惊喜，但个人而言，都收货架嘞！
上文都讲过佢哋有面包卖，最后，都买咗袋红莓方包返去，当喺听日早餐。轻松走山路落山，又完咗今日嘅短山之行。
张贴
