御前上茶 (已結業)

天气好热，好想食雪糕，咁啱见到就试下。双色系指绿茶及焙茶雪糕，先试绿色，系绿茶味雪糕，绿茶味唔算太浓，可能系雪糕少咗d苦味，感觉有d好幼细嘅冰系雪糕度，有d似沙冰，但就比沙冰滑好多，跟住再试啡啡地色嘅雪糕，系焙茶味，有少少烘焙嘅㶶味，茶味浓d，我中意焙茶嘅味多d，至于红豆都有起沙，但唔够甜同香。蕨饼第一次食，绿茶当然系绿茶粉，黄色嘅系黄豆粉，个两杯就系绿茶酱及焙茶酱嚟。绿茶粉蕨饼一入口绿茶粉慢慢溶，好浓嘅绿茶味，但对我嚟讲有点太苦，食到蕨饼感觉有d似凉粉嘅质感，但有d似糯米滋皮嘅滑，好特别，甜甜地，几好味。但我个人偏爱黄豆粉味，黄豆粉都系甜甜地，有d豆香，同蕨饼一齐食几夹，但又唔会太甜。