森 (已結業)

今日揸车入元朗揾朋友，因为早左入去又醒起元朗有间食鸡蛋仔好出名，所以就去揾嘢食顺便打发下时间啦。元朗嘅又新街真系出名多嘢食，见到其他野都好想食不过今次目标明确，就系要食鸡蛋仔啦！一去到间铺头都已经好多人排队，再望下佢哋嘅Menu，都真系好多款式拣㖞！净系鸡蛋仔已经有原味，朱古力味，绿茶味，芝麻味系限定嘅！仲有格仔饼，仲可以加埋雪糕，棉花糖同埋好多其他嘅配料，真系花都眼乱对于我呢啲有选择困难症嘅人嚟讲真系好惨㗎所以最后乖乖地净系拣咗鸡蛋仔，绿茶味。简简单单试吓好唔好味先🤪唔好以为佢系普通鸡蛋仔店，店入面都有三张枱可以比食客坐低食架，见时间尚早咁就坐低等鸡蛋仔啦！哇！个绿茶鸡蛋仔同我想像嘅一模一样，净系睇过外表已经忍唔住即刻食返一粒，虽然佢未去到真系话超级好好味，但系喺元朗区已经成为食鸡蛋仔嘅代表作啦！