緣聚鮮鍋 (已結業)

放题？任食？buffet？边炉？以上四种食法其实香港人都唔陌生，但mix up成为一餐唔知大家又会点睇？今日朋友约食饭嚟到「缘聚鲜锅」，一心怀住疫情下边炉家族的意志与决心，但当然search还是有做足，见餐厅衞生评语都唔错，于是就胆粗粗请君入饔，大家一餐食返餐「全包宴」，即系一同个场有齐放题、任食、buffet同边炉四大元素！甫入座，地方相当大而宽敞，灯光通明，感觉真的如友人所谓，环境及衞生都唔太担心。餐厅占地全层，除咗食客区，仲有冷盘区、炸物热食区、刺身寿司区、饮品区、甜品区及最重点嘅打炉边自助配料区。花多眼乱，边炉食材方面选择好多元化，特别系丸类相当齐全，蔬菜种类亦好丰富，啱晒爱veg嘅我同朋友。至于肉类方面，就好方面，扫扫QR code就可以online order，红肉类有猪牛，白肉类有鸡及海鲜，虽然款式唔算好多，但加埋场内其他唔同区嘅冷盘同热食，其实尚算丰富。个人认为肉类方面质素可以，性价比高，而且特别欣赏佢一份嘅量唔算多，令食客可以更好控制唔会咁易造成浪费。