緣聚鮮鍋 (已結業)

每次黎到荃湾要同朋友放题火锅总会谂起食肆云集嘅大鸿辉, 今次决定试新野缘聚鲜锅入到去第一印象好干净即刻加分，食物每样放得整齐款式一目了然.. 酱汁茶叶通通自助，菜类至少有十款，仲有其他火锅嘅基本配料。饮品放题亦系我最关注嘅一项, 啤酒区预先将酒杯雪涷好有心思！而饮品款式亦大众化，亮点系summi嘅低糖果汁，饮多两包都无咁内疚感 😙今次食左下午茶黎所以无主攻餐前小食同热盘，要留肚打边炉，不过如果大家肚饿绝对不要错过！首先当然要睇下打算食回本嘅肉类质素如何啦！有黑豚肉，封门柳，猪梅肉，牛肩胛，牛板腱，牛颈脊, 估唔到有咁多款而且肉质不错, 配上麻辣汤底超满足。唔想岀去拎仲可以Qr code落单服务周全！海鲜样样都试下，蚝肉，沙白，扇贝，鱿鱼，鲩鱼腩，海虾 ，基本上都新鲜无雪味。最尾虽然已经好饱但点都要食埋甜品做总结。有唔同口味嘅啫喱，味道唔会太甜够清新，我就试左乳酪雪糕on top自己配料🥰个人觉得放题以此价钱都算值回票值，自问真系食左好多肉，感觉已赚 😌