貓之茶房 (眾安街)

营业中

休息中

猫之茶坊屹立喺荃湾好多年了，之前一直喺大河道麦当劳上面，而家搬咗去众安街新舖同旧舖一样，好大，好舒适，之前喺旧舖同一班猫猫玩到好熟，有几只猫猫特别搞笑，左左右右两兄弟，长期哺喺洗手盆等人开水喉嘅波士，仙气十足嘅挪威森林猫女，仲有肥嘟嘟嘅暹罗猫 。呢班猫好多都系荃湾舖嘅老臣子，只只都有六至八岁以上，上咗年纪活力无可避免系差少少，有几只年轻嘅唐猫都几玩得，为猫之茶坊添加了生气。猫之茶坊新抱而家冇提供手冲饮品了，饮嘢可以自己入pantry嘅售卖机购买，有一啲茶包畀客人自己冲，另外有售卖机可以买一啲蛋糕小食，我喜欢以前嘅安排多啲，因为入得嚟都最少坐一至两个钟，大热天时真系想饮返杯手冲咖啡，仲有以前大河道旧舖嘅饮品系几好饮。