影片
更多
2023-07-28
220 浏览
寻日1点几，见到肥姐开咗，立即去朝圣，由于时间早，所以冇乜人，有相为证，只得几个人起度左度右计，咁梗系第一时间去朝圣。都有一段时间冇嚟，食物价钱加咗，我至爱嘅大生肠加至$15，一般嘅都要$10，我叫咗猪耳、红肠及大生肠，食物冇相系因为一手捧住三串嘢，一手揸机拍，好唔方便，所以冇拍。今次嚟到有惊喜，因为装食物嘅物料包装改良咗，以前系用传统嘅油纸卷成甜筒形，依家系用似系再造纸嘅长方形纸兜装，一边开口，另一边密口，平放食品嘅面积大咗，啲酱汁亦唔会好似以前咁坠哂起底，依家比以前方便咗将每年食品都蘸到酱汁，亦唔会怕个袋穿窿渗漏，搞到成手都系豉油（以前经常发生），方便卫生好多，绝对系德政。食物方面，猪耳我嫌佢唔冻，食落暖身，所以有啲黏身，唔够爽；红肠无醙（音缩）味，证明系新鲜货，好食；大生肠感觉无以前咁爽，但最紧要系冇餲（音压）味。我谂我以后每次经过附近，都应该会继续嚟朝圣嘅。
都有一段时间冇嚟，食物价钱加咗，我至爱嘅大生肠加至$15，一般嘅都要$10，我叫咗猪耳、红肠及大生肠，食物冇相系因为一手捧住三串嘢，一手揸机拍，好唔方便，所以冇拍。
今次嚟到有惊喜，因为装食物嘅物料包装改良咗，以前系用传统嘅油纸卷成甜筒形，依家系用似系再造纸嘅长方形纸兜装，一边开口，另一边密口，平放食品嘅面积大咗，啲酱汁亦唔会好似以前咁坠哂起底，依家比以前方便咗将每年食品都蘸到酱汁，亦唔会怕个袋穿窿渗漏，搞到成手都系豉油（以前经常发生），方便卫生好多，绝对系德政。
食物方面，猪耳我嫌佢唔冻，食落暖身，所以有啲黏身，唔够爽；红肠无醙（音缩）味，证明系新鲜货，好食；大生肠感觉无以前咁爽，但最紧要系冇餲（音压）味。
我谂我以后每次经过附近，都应该会继续嚟朝圣嘅。
张贴
