森 (已結業)

食完饭又到左又新街扫街，买完野饮就系时候食鸡蛋仔，食过X芽，今晚试下森先，后面条街好似又开多左档，真系竞争激烈，无实力都几难留低。落完单坐低等食，森间舖几大㖞，有两张枱四个位，几好hea，仲有埋纸山巾添，抵赞。买左绿茶味鸡蛋仔加朱古力碎，廿三蚊，真系公价人情，间间有啲特色嘅鸡蛋仔都要廿几蚊或以上，明明以前都系几蚊一底，而加越黎越矜贵。等左大概五六分钟有得食，即叫即整又算快手。超浓绿茶味，真系好浓，唔系得个色，合格有余！！朱古力碎每粒鸡蛋仔都有，加呢三蚊又唔贵㖞，朱古力成本都唔平。鸡蛋仔很软身，粒粒饱满，重绿茶味又有朱古力碎，巧巧味㖞！