新籽田會館 (已結業)

朋友请食饭，选择于佐敦食肆林立嘅山林道。曾经系油尖旺最热闹嘅一条食街，如今有新大厦落成，餐厅座落于一楝叫银座大厦嘅九楼。全楝以食肆为主，选择非常多，朋友选择此餐厅，因为香港少有准扬州菜，特地带我一试，右上有半户外大露台可以望到九龙夜景，都系卖点之一。前菜：籽田贡菜：麻油香加微辣，醒神开胃馋咀乌鸡爪：乌鸡爪脂肪比较少，皮爽有咬口，而且无骨易入口。汤：四季丰料老火汤，今晚老火汤系粉葛赤小豆，非常足料！见到色水就知系用料丰富，饮落顺喉，比我屋企人煲嘅靓汤更浓烈！💯主菜：麻辣嗦螺，🌶️🌶️即系大排档常见嘅花螺，偏细粒但非常鲜甜，最啱佐酒！扬州古法狮子头，老板极力推介！👍👍果然无介绍错，香浓酱汁煨肉球，时间掌握得非常好，外酥内软。而且酱汁煨得入味，印象难忘。扬州糯米烧卖，以为系平时食香港开嘅烧卖嘅尺寸，一上台原来拳头咁大😅大量糯米用包皮包裹，软糯烟靭，每人两只刚好等于一碗饭，酒香丰腴，好满足🫰🏻开业不久，餐厅内有大量贵宾房，暂时不设最低消费，大班人可考虑饭聚😎