露營生活

营业中

休息中

餐厅以露营生活为主题，装潢以木系设计同露营风格配搭为主，有室外座位，今晚天气清凉舒适，我哋拣咗室外坐。闹市中嘅露天居酒屋，真系非常罕有 。室外最大张枱可以坐十几人，亦有个大帐篷，好啱一大班人聚会。适逢圣诞节，室外摆咗大型圣诞吹气公仔，节日气氛浓厚。餐厅由日本厨师主理，主打日式烧肉、寿喜烧、和食同埋酒。我哋叫咗个【冬日圣诞营地暖意二人餐】，食靓肉～【前菜 日本慢煮鸡胸凯撒沙律】圣诞节当然要食鸡肉，慢煮鸡胸比火鸡嫩滑得多，配面包粒、烟肉粒、新鲜生菜，够晒开胃。主食3选1，我哋拣咗【日本宫崎A4和牛五点烧物盛合】，除咗西冷、牛小排，仲有稀有部位和尚头、龟之子、友三角。和牛油脂丰富，烧起嚟个火几旺，campfire够晒气氛。食落满口油香肉香，大满足。拼盘2选1，拣咗刺身。大拖罗肥美，带子大大粒，甜虾虾胶绵滑，都好高质。仲有唔少得嘅圣诞特饮同圣诞甜品，特饮用带色彩缤纷闪灯嘅杯装，好靓呀～芝士蛋糕配红酒烩啤梨嘅甜品亦有特色。店长介绍餐厅主厨喺知名酒名有四十年经验嘅大师傅，和食同串烧同样出色，下次约埋多啲朋友gathering就啱晒 ！