Wheatfield X 羅宋湯專門店 (屯門市廣場1期) (裝修中)

记得多年前食过中环店一直对佢个罗宋汤念念不忘，但分店越来越越少，就好少再食了。近日见佢系屯门开左分店，咁近就一于去食下先。地点在屯市二楼，呢个位多左几间新食店进注。餐厅呈开放式，坐位可自由选择，在收银位落完单就可以埋位等食，会有店员送餐啊😄🍲牛腩罗宋汤个罗宋汤真系太好味，虽然有几款汤品拣，但谂都唔谂就要罗宋汤😆碗汤劲杰身好足料，酸酸地嘅蕃茄蔬菜味，牛腩软腍，饮完碗汤都饱饱地啦😆🥚盐烧牛舌溏心蛋饭朋友拣左跟配牛舌饭，大大碗好多牛舌，烧得焦香，口感软绵绵，好食㖞，美中不足系只溏心蛋略微熟左少少，再流心点就完美啦😁🌶️麻辣鸡丝上海捞面自己就拣左跟捞面配小食，面拣左要上海面，个酱油劲香，再加上炸蒜同葱花真系无得弹。至于个麻辣鸡丝就一般般啦，个人觉得个辣汁唔够入味，鸡有鸡辣汁还辣汁咁，可能未系捞得好匀循🤔🍋冻柠茶餐饮要左冻柠茶走甜，茶浓柠香，ok啦😌虽然有加一服务费，但坐得舒服又唔赶客，可以慢慢食无压力，加上个汤真系好正，想饮罗宋汤必来呢间🤤