影片
更多
2024-09-27
1924 浏览
其实宜家打边炉已经无时间分啦，我地钟意几时打就打，早午餐都打边炉又得：）同阿爸喺旺角行过呢一间快乐小羊，见到佢嘅午餐餐牌超级抵，最平连加一其实$100有找!佢嘅单人火锅餐，分咗三只价钱$68、$78、$88，配唔同嘅肉俾你拣。二人或以上，个汤底仲会自动免费升级去鸳鸯锅，可以拣两款唔同嘅汤底添！由于有老人家，所以我哋都系拣咗一个辣一个唔辣，养生清汤同埋香辣浓汤。其实两个底都系好似，只不过香辣汤底加咗啲辣油。养生清汤饮落比较甜，有少少药材，你会见到有红枣杞子等！香辣浓汤就啱钟意寻求刺激嘅年青人！个午餐已经包埋喺自助蔬菜区任拎蔬菜同埋配料区混酱。净系蔬菜区都有成10款食材选择，点会怕唔够饱呢？咪以为跟餐嘅肉类，佢就会俾啲cheap嘢你!见到呢两碟肉都系非常之高质嘅！图一系羔羊上脑肉食落味道一啲都唔会苏，而且肉质非常嫩滑，但有少少油脂香！图二极品西班牙黑毛猪肉你见啲猪肉有好清晰嘅大理石油花，味清不燥！肉味浓郁唔加任何调味料都已经好好味。个套餐仲包埋下方嘅小食拼盘入边有金菇，响铃，午餐肉、鳕鱼柳、杂丸等，其实真系已经好丰富。不过同老人家出嚟午餐，就一于加多少少钱有多啲𩠌，等佢开心吓。鲍鱼已经清洁
同阿爸喺旺角行过呢一间快乐小羊，见到佢嘅午餐餐牌超级抵，最平连加一其实$100有找!
佢嘅单人火锅餐，分咗三只价钱$68、$78、$88，配唔同嘅肉俾你拣。二人或以上，个汤底仲会自动免费升级去鸳鸯锅，可以拣两款唔同嘅汤底添！
由于有老人家，所以我哋都系拣咗一个辣一个唔辣，养生清汤同埋香辣浓汤。其实两个底都系好似，只不过香辣汤底加咗啲辣油。
养生清汤饮落比较甜，有少少药材，你会见到有红枣杞子等！
香辣浓汤就啱钟意寻求刺激嘅年青人！
个午餐已经包埋喺自助蔬菜区任拎蔬菜同埋配料区混酱。
净系蔬菜区都有成10款食材选择，点会怕唔够饱呢？
咪以为跟餐嘅肉类，佢就会俾啲cheap嘢你!
见到呢两碟肉都系非常之高质嘅！
图一系羔羊上脑肉
食落味道一啲都唔会苏，而且肉质非常嫩滑，但有少少油脂香！
图二极品西班牙黑毛猪肉
你见啲猪肉有好清晰嘅大理石油花，味清不燥！肉味浓郁唔加任何调味料都已经好好味。
个套餐仲包埋下方嘅小食拼盘
入边有金菇，响铃，午餐肉、鳕鱼柳、杂丸等，其实真系已经好丰富。
不过同老人家出嚟午餐，就一于加多少少钱有多啲𩠌，等佢开心吓。
鲍鱼已经清洁好干净晒，放落滚汤𠮶度十几其实已经食得！唔好过耐啊，如果唔系肉质会变到好韧㗎。
上牛脊肉，强烈推介，味道极浓，口感佳！
套餐以外，额外加配𠮶啲食材其实都好抵，十耐廿蚊都有交易。
佢而家仲做紧额外嘅特价，全日$18都可以加配佢一号肥牛或者A级羔羊肉，真心抵到烂！
今餐老豆食得好开心，你哋都快啲同埋屋企人嚟试啦！
张贴
