香料咖哩皇 (已結業)

Chicken Tikka Masala 得 5旧，味道还可以。Lamb Rogan Josh 得 5 旧，羊肉有汁浸住都干！Cheese Naan 略油腻Pullau Rice 正常Mango Lassi 唔够冻Heineken  (餐牌并无酒精类饮品)餐牌已经全面加价约一成。埋单$300。我话网上订位有8折，于是𠮶个唔知伙记定老细连随改单，加10% service charge 后再8折，应该 $264 但佢齐头收 $270。冇所谓，六蚊好小事。俾张 $500 纸，佢找番 $130，好明显找少 $100。于是叫佢过嚟，佢即时话『ya ya sorry sorry』，心知肚明唔啱数，戏都废事做，马上喺裤袋摷张 $100 纸出嚟。奸商！第一次去重庆食饭。呢间坐窗边俾窗帘布揩住后脑唔舒服，食物份量少，味道普通，价钱拍得住中环苏豪。疫症时期，难得仲有人肯出街消费食饭，点解唔正正经经做生意？出古惑抟人唔 check 单收多 $100，不顾商誉欠诚信，全无道德可言。今后请都唔去。