金蘭花泰國菜館

营业中

休息中

啱啱过去嘅冬季食咗好多次枝竹羊腩煲，因为暖身又惹味，估唔到今日同朋友嚟到泰国菜馆，竟然都可以食到羊肉锅，好有惊喜！泰式羊肉锅：同中式枝竹羊腩煲味道相当唔同，泰式系贯彻酸酸辣辣嘅味道，越食越开胃，成锅点住火上枱，热腾腾滚住食好过瘾；羊肉都相当大块同嫩滑，钟意食羊嘅朋友一定非常满足！糯米鸡翼：鸡翼卖相饱满，鸡皮炸得香脆，入面嘅糯米饭软硬适中，口感十足，味道一流！干炒金边粉：经典泰菜之一，入口先尝到浓浓嘅甜味，之后酸味一d一d咁渗出，跟住鱼露散发咸鲜，最后系香料嘅辛辣，味道超丰富。炒椰菜苗：外国人通常用佢黎做沙律菜，泰式整法就用鱼露代替盐，椰糖代替白糖，混埋辣椒同蒜蓉一起炒，菜嫩味香。