集眾菜館

营业中

休息中

羊腩煲用新鲜羊真系无得顶，羊腩炆得够入味，肉质鲜嫩，无乜肥膏，羊腩层皮烟烟韧韧，好有弹性，同雪藏羊真系分别太大了，另外佢入面D枝竹吸晒D羊腩汁，净系呢个羊腩煲已经可以𩠌两三碗饭。铁板白胡椒煎鱼卜D鱼卜煎到好香口，外层煎到硬硬地，咬落去又保留返鱼卜嘅口感，真系唔错。加上铁板热辣辣另到D白胡椒D香味飘晒上黎，真系好惹味。镇店小炒皇炒得够干身，腰果、韭黄、大虾干都炒得好够火喉，最正系佢有D炸脆晒嘅芋头丝，而且好少见小炒皇唔会好油。