三陂小廚 (已結業)

今晚谂住食返个羊腩煲，因为之前去过呢间三陂小厨堂食，羊腩煲都OK，今晚买外卖，估唔到差得咁紧要，一个细嘅羊腩煲$380 ，得11件，仲要好少汁，返到屋企打开睇，觉得唔对路即刻打电话去问，跟住WhatsApp张相片俾佢睇，佢伙记都话离谱，叫我地去攞返钱，咁我哋就谂住算啦，咁就照食，跟住佢伙记WhatsApp过泥老细话你地食咗冇得退钱，如果个羊腩煲系百零蚊，我觉得OK，你收$380 ，之前堂食四个人食都啱啱好，宜家得11件真系接受唔到，同埋我觉得个老细好有问题，如果系唔退钱就应该一早讲，所以我哋以后我都唔会帮衬呢间野，请大家小心！！