影片
更多
2022-10-03
1660 浏览
小弟一向都钟意马拉菜，而马来西亚都曾经去过两次，两次都有到访过槟城，因为真喺几钟意呢个小岛，人少、地方大、多果园、沙滩区好靓，最搞嘢喺广东话通行。疫情嘅完结都开始睇到曙光，希望早日能远行，飞返一转大马。咁未飞得住，就食餐马拉菜嚟怀缅吓，住晌港岛东嘅老友推介呢一间小店「槟榔岛敍」，讲菜式颇特别。地址标示「海湾街」，其实要转个弯入「海堤街」先喺。入夜嘅铺面挂着霓虹灯，都有少少𠮶时去到槟城「新关仔角」嘅海鲜档。入到铺内，就完全唔同晒，好有蓝天白云，对住一片海洋之感，幻想吓，都有几分晌海滩嘅风情，悠闲轻松。虽然话卖马拉菜，但翻一翻餐牌，就会发觉菜式加入其他菜系元素，由特色小食、沙律、主食、饭品、粉面……到意大利面、薄饼、甜品都一应俱全，种类繁多。不过，讲抵食，店家嘅晚市二人套餐应该喺最划算，因为起表价$338就包咗前菜沙律、小食拼盘、2客主食、2客饮品及甜品，但温提一下，部份菜式需要另外加钱。而且，小食、主食都选择多多，弹性大。所以，我哋都喺拣食个二人餐。顺便讲讲埋啲饮品，基本就分为非酒精及酒精类，前者有唔少马来西亚特饮，而后者唔止得啤酒，仲有手工啤、红白餐酒。前菜沙律以为套餐嘅沙律，都喺一般
地址标示「海湾街」，其实要转个弯入「海堤街」先喺。入夜嘅铺面挂着霓虹灯，都有少少𠮶时去到槟城「新关仔角」嘅海鲜档。入到铺内，就完全唔同晒，好有蓝天白云，对住一片海洋之感，幻想吓，都有几分晌海滩嘅风情，悠闲轻松。
虽然话卖马拉菜，但翻一翻餐牌，就会发觉菜式加入其他菜系元素，由特色小食、沙律、主食、饭品、粉面……到意大利面、薄饼、甜品都一应俱全，种类繁多。
不过，讲抵食，店家嘅晚市二人套餐应该喺最划算，因为起表价$338就包咗前菜沙律、小食拼盘、2客主食、2客饮品及甜品，但温提一下，部份菜式需要另外加钱。而且，小食、主食都选择多多，弹性大。所以，我哋都喺拣食个二人餐。
顺便讲讲埋啲饮品，基本就分为非酒精及酒精类，前者有唔少马来西亚特饮，而后者唔止得啤酒，仲有手工啤、红白餐酒。
前菜沙律以为套餐嘅沙律，都喺一般般嘅田园沙律，原来除沙律菜、青瓜、车厘茄之外，仲加咗啲大树菠萝同酸瓜，加添少少马拉元素，简简单单嘅前菜，食起嚟清爽，起到开胃作用。
小食拼盘可以晌8款小食中任拣3款，我哋就拣咗马来西亚鸡髀肉串、参巴水牛城鸡锤、马拉盏一口虾多士。马来串烧就主打一定拣，其余两款用上马拉常用嘅酱料参巴同马拉盏，亦喺拣佢哋嘅原因。
小食拼盘
20 浏览
0 赞好
0 留言
马来西亚鸡髀肉串用上脾肉，自不然相对更嫩滑，而且，烧得有份焦脆口感，又富肉汁，唔会「干峥峥」。最正喺面面淋上大量自家制马来沙嗲，又香又浓，充满花生粒粒，令鸡肉食味更具层次。
附有一小碟黑黑沉沉嘅参巴酱，就喺用嚟配鸡锤，叫得水牛城，就喺表示辣嘢嚟，果然，个参巴酱真喺几有辣劲，但就惹味十足，而且，辣得嚟富香料感。
另外仲有一小碟自家制甜酸酱，用嚟衬一口虾多士，睇起嚟啲虾多士好深色，因为加咗马拉盏，类似我哋嘅虾酱，所以，啲虾多士既炸得脆而不腻，又渗出咸香味，沾上甜酸酱，有平衡之效。
辣味参巴鱿鱼配椰浆饭其实，想试个生炸脾，可是小食已有两道鸡菜式，加上觉得炸脾「些牙」比较麻烦，但又想试椰浆饭，故此就拣咗呢一道辣味参巴鱿鱼配椰浆饭，淡绿嘅椰浆饭，加埋多种配菜，鸡蛋、鱼干、花生，卖相精致靓仔。
辣味参巴鱿鱼配椰浆饭
34 浏览
0 赞好
0 留言
而啲鱿鱼好新鲜，入口就知唔喺雪藏货，而且，口感好柔软，沾上参巴酱，提升惹味感，越食越滋味。
浓香喇沙烟肉长通粉另一道想试喺呢个「意」、「马」融和嘅长通粉，本身已经几钟意食喇沙，一向亦喜欢意大利面，呢道长通就啱晒我。佢以卡邦尼为基础，却唔喺白汁，改用上喇沙汁，再淋上蛋浆捞匀，感觉非常特别又有趣。
浓香喇沙烟肉长通粉
17 浏览
0 赞好
0 留言
槟榔岛敍杂果宾治平常就会试吓白咖啡，因为喺当地特色，但因为都知道啲参巴酱会几辣，所以，最后改选杂果宾治嚟解解辣。呢杯做得有诚意，因为食得出都喺新鲜生果整成，有菠萝、橙肉、苹果、提子……等等，味道滑甜，入口阵阵清爽。
班兰龙眼冰友人就选龙眼冰，晶莹剔透嘅糖水，渗出淡淡嘅班兰清甜味，纯香自然，而龙眼肉都有唔少，食得出啲龙眼唔喺罐头货，有种纯甜嘅味道，同样入口凉透心。
焦香榴梿芝士蛋糕 +$28同老友都喺钟意食榴梿之人，所以，甜品点都要试试店家嘅榴梿芝士蛋糕。所谓焦香，做法就如早前大热嘅巴斯克芝士蛋糕，将面面焗得㶶啲而带出焦香感，而糕身做得软熟而挺身，口感绵密，有芝士嘅咸香味，亦有榴梿嘅芳香味，怕你嫌唔够榴梿香，晌蛋糕面仲唧多几行榴梿蓉，真喺满足晒啦。
焦香榴梿芝士蛋糕
32 浏览
0 赞好
0 留言
今餐真喺丰富，试到好多嘢之余，样样都有亮点，又富马拉特色，最紧要价钱又唔喺贵吖嘛，仲食到好饱，个二人餐性价比真高，加上招呼好，同老友都食得好称心满足。
张贴
