緣味小聚 (金百利廣場) (已結業)

金百利广场有一间我好钟意食嘅海鲜蒸气火锅专门店，就系呢间缘味小聚，虽然餐厅装修方面唔算话特别靓，但系都胜在坐得舒适，价钱优惠。厚肉龙虾海鲜蒸气锅:呢个套餐有劲多新鲜嘅海鲜，包括厚肉龙虾半只、韩国大鲍鱼、苏格兰蛏子王、法国精选生蚝、扎扎跳海生虾、爽甜贝壳！超值得一赞系佢哋嘅龙虾真系好大，虽然只有半只，但系都够晒食！其他嘅海鲜都一样好新鲜。麻辣口水鸡超级惹味嘅口水鸡，真系做得好出色，入口鸡肉完全吸收晒D辣味。麻辣猫耳朵凉拌小食嚟讲，呢个都唔错，非常之爽口。澳洲M5和牛大大片嘅和牛卖相吸引，有少少油脂，牛肉味道都好香。安格斯靓肥牛肥牛嘅雪花纹路就更加突出，入口肉味都好香浓，同样都系咁深得我心。