十三少 (已結業)

食物要好味道，师傅手艺固然重要，但系食材本身都系好大嘅因素。今日黎到乐富依间餐厅觅食，真系好难得感受到食材本身嘅鲜味，岩岩出镬嘅美味。餐厅环境方面好宽躺，望落去好干净舒适，另外一提筷子座系一粒花生！我地叫左椒麻皮蛋、麻辣卤猪手、十三少酸菜鱼。椒麻皮蛋系用水晶皮蛋，比一般皮蛋贵。蒜蓉、辣椒等特制酱料，店员介绍一定要配着皮蛋一齐食。一口落去香香辣辣好开胃！麻辣卤猪手好大一碗！猪手虽然大大旧，不过经过长时间嘅烹饪已经煮到完全软熟，微辣嘅卤水汁入味，好轻易就咬开，令人一啖接一啖。食得川菜，点少得酸菜鱼。十三少酸菜鱼份量大到占咗半张枱，即叫即煮加上新鲜嘅鱼片，唔怪得系招牌菜。鱼片分量好多，而且食得出嘅新鲜，汤底充满香料所以麻香过引。酸菜酸味好味唔会过酸或太咸。会推荐朋友过黎食川菜！